Ana üçün doğuşdan əvvəl məzuniyyət uzadılır

Fins.az - Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti bildirir ki, Əmək Məcəlləsinə edilən son dəyişikliklərə əsasən, uşaq gözlənilən tarixdən gec doğularsa, anaların doğuşdan əvvəlki məzuniyyəti gecikən günlər qədər uzadılır.

Bu əlavə günlər ödənişlidir və doğuşdan sonrakı məzuniyyət günlərinə təsir etmir. Yəni ana heç bir hüququndan məhrum olmur. Dəyişiklik Beynəlxalq Əmək Təşkilatının 183 nömrəli Konvensiyasının 4-cü maddəsinin 5-ci bəndinə uyğunlaşdırılıb. Ölkəmizdə analıq məzuniyyəti minimum 18 həftə müəyyən edilib.