Netanyahunun ofisi Trampa hədiyyə edilən qızıl peycerini nümayiş etdirir

İsrailin baş naziri Benyamin Netanyahunun ofisi ABŞ prezidenti Donald Trampa Livanda Hizbullaha qarşı əməliyyatın şərəfinə ABŞ-a səfəri zamanı hədiyyə edilən qızıl peycerini nümayiş etdirib. Hədiyyənin fotosu ofisin X sosial şəbəkəsindəki səhifəsində dərc olunub.

Finss.az xəbər verir ki, peycer “İsrail baş nazirinin müharibədə dönüş nöqtəsinə gətirib çıxaran və Livan təşkilatının ruhunu qırmaq üçün başlanğıc nöqtəsi olan qərarını” simvolizə edir.

“Bu strateji əməliyyat İsrailin gücünü, texnoloji üstünlüyünü və düşmənlərinə qarşı mübarizədə ixtiraçı olduğunu nümayiş etdirir”, - deyə bəyanatda bildirilir.