Fermerlərin torpaqların sənədləşməsi ilə bağlı müraciətlərinin sayı açıqlanıb

Fermerlər tərəfindən torpaqlarının sənədləşməsi ilə bağlı 50 min müraciət daxil olub.

Fins.az xəbər verir ki, bunu bu gün Milli Məclisin İqtisadi siyasət, sənaye və sahibkarlıq komitəsinin iclasında kənd təsərrüfatı nazirinin müavini İlhamə Qədimova bildirib.

“Bu müraciətlər əsasında 35 min sənəd verilib. Biz fermerlərlə görüşdə də deyirik ki, elektron sənədlərlə qeydiyyatdan keçib, “buranı əkirik” demək lazımdır. Bundan sonra həmin torpaqla bağlı problemin nələr olduğunu müəyyən etmək olur. Biz sonra sənədlərlə bağlı ortaya çıxan problemləri həll etməyə çalışırıq”, - deyə nazir müavini bildirib.