Yer kürəsində zəif maqnit qasırğası başlayıb

Fins.az - Yer kürəsində zəif səviyyəli maqnit qasırğası qeydə alınıb və onun təxminən bir həftə davam edəcəyi gözlənilir.

Rusiya Elmlər Akademiyasının Kosmik Tədqiqatlar İnstitutu və Günəş-Yer Fizikası İnstitutunun laboratoriyasının məlumatına görə, hazırda geomaqnit aktivlik G1 səviyyəsindədir ki, bu da beşballı şkala üzrə ən aşağı göstəricidir.

Mütəxəssislər bildirirlər ki, ümumi geomaqnit pozuntular 5–7 gün davam edə bilər. İlk 1–2 gün ərzində aktivlik daha güclü olacaq və həftəsonunu əhatə edəcək. Bu dövrdə indeksin bəzən G2 səviyyəsinə (orta güclü qasırğa) yüksəlməsi mümkündür.