Yaponiya vətəndaşlığı almaq daha çətin olacaq

Fins.az - Yaponiya hökuməti əcnəbilərə vətəndaşlıq verilməsi qaydalarını sərtləşdirib. Yeni qərara əsasən, vətəndaşlıq üçün tələb olunan minimum daimi yaşayış müddəti 5 ildən 10 ilə qaldırılıb.

Yaponiyanın ədliyyə naziri Hiraquçi Hiroşi bildirib ki, bu dəyişikliklər hökumət və hakim siyasi blokun uzun müddət davam edən müzakirələrindən sonra qəbul olunub. O, yeni qaydaların məqsədinin vətəndaşlıq almağın daimi yaşayış icazəsi əldə etməkdən daha asan olmasının yaratdığı problemləri aradan qaldırmaq olduğunu qeyd edib.

Yeni qaydalar 1 aprel tarixindən qüvvəyə minəcək və hər bir müraciət ayrıca ciddi yoxlamadan keçiriləcək.