ÜST: hantavirusla yoluxma riski aşağıdır

Fins.az - Ümumdünya Səhiyyə Təşkilatı (World Health Organization) hantavirusun yayılma riskinin aşağı olduğunu bildirib. Məlumat kruiz gəmisi MV Hondius-da qeydə alınan yoluxma halları ilə bağlıdır.

Təşkilatın sözçüsü Kristian Lindmaier Cenevrədə jurnalistlərə açıqlamasında qeyd edib ki, virus yoluxduqdan sonra təhlükəli ola bilər, lakin ümumilikdə dünya əhalisi üçün risk səviyyəsi çox aşağıdır.

Hadisə MV Hondius kruiz gəmisində baş verib. Məlumata görə, indiyədək üç sərnişin hantavirus səbəbilə həyatını itirib. Ölənlər arasında Niderlanddan olan bir cütlük və 2 mayda gəmidə vəfat edən Almaniya vətəndaşı da var.

Mütəxəssislər vəziyyətin nəzarətdə olduğunu və genişmiqyaslı yayılma ehtimalının hazırda yüksək olmadığını bildirirlər.