Ümumdünya Ticarət Təşkilatı: 10 ölkə qlobal kənd təsərrüfatı ixracının yarısını təmin edir

Fins.az - Ümumdünya Ticarət Təşkilatı bildirib ki, dünyanın ən böyük 10 ixracatçısı qlobal kənd təsərrüfatı ixracının təxminən yarısını təmin edir.

Məlumata görə, ən böyük 30 ərzaq ixracatçısının payına dünya kənd təsərrüfatı ixrac bazarının 80 faizdən çoxu düşür. Bu bazarın ümumi dəyəri təxminən 1,5 trilyon dollar təşkil edir.

Təşkilat qeyd edib ki, qlobal ərzaq ticarəti məhdud sayda ölkənin əlində cəmləşib. Bu vəziyyət həmin ölkələrə dünya ərzaq qiymətləri və təchizat zəncirlərinə ciddi təsir göstərmək imkanı yaradır.