Tviter Rusiya XİN-in səhifəsini blokladı

Tvitter Rusiya Xarici İşlər Nazirliyinin ingilis dilində olan rəsmi hesabını 7 gün müddətinə bloklayıb.

“Fins.az" xəbər verir ki, bu haqda Rusiya Xarici İşlər Nazirliyinin sözçüsü Mariya Zaxarova teleqram kanalında yazıb.

O qeyd edib ki, buna səbəb sosial şəbəkədə Rusiya Kimya və Biotibbi Mühafizə Qoşunlarının rəisi, general-leytenant İqor Kirillovun ABŞ-ın hərbi bioloji fəaliyyəti ilə bağlı keçirdiyi brifinqdən çıxarışların, yəni sitatın dərc edilməsi olub.