Türkiyədə “Ankara Hava Limanı” istifadəyə veriləcək

Fins.az - Etimesgut Hərbi Hava Limanında aparılan əsaslı modernləşdirmə işləri başa çatdırılıb və obyekt bundan sonra mülki uçuşlara da xidmət göstərəcək.

Hava limanı yeni adı ilə Ankara Hava Limanı kimi fəaliyyət göstərəcək və rəsmi açılışın iyunun 15-də Türkiyə Prezidenti Recep Tayyip Erdoğanın iştirakı ilə keçirilməsi planlaşdırılır.

Yeni hava limanının həm daxili, həm də beynəlxalq uçuşlara xidmət göstərməsi nəzərdə tutulur. Bu addımın Esenboğa Hava Limanı üzərindəki yükü azaltması və xüsusilə protokol və beynəlxalq tədbirlər zamanı hava nəqliyyatını asanlaşdırması gözlənilir.