Türkiyə Mərkəzi Bankı inflyasiya proqnozunu artırıb

Fins.az - Central Bank of the Republic of Türkiye regionda davam edən gərginlik və enerji qiymətlərindəki artım fonunda inflyasiya proqnozlarını yeniləyib.

Bankın rəhbəri Fatih Karahan bildirib ki, 2026-cı il üzrə aralıq inflyasiya hədəfi 16 faizdən 24 faizə qaldırılıb.

Bununla yanaşı, 2027-ci il üçün aralıq hədəf 15 faiz, 2028-ci il üzrə inflyasiya proqnozu isə 9 faiz səviyyəsində müəyyən edilib.

Karahan qeyd edib ki, enerji daşıyıcıları və nəqliyyat xidmətlərinin bahalaşması regiondakı böhranların Türkiyə iqtisadiyyatına təsirini sürətləndirib. Onun sözlərinə görə, qısamüddətli dövrdə inflyasiya təzyiqlərinin davam edəcəyi gözlənilir və vəziyyətin gələcək inkişafı əsasən müharibənin gedişindən asılı olacaq.