“Türk mətbəxi həftəsi” 2026-cı ildə “Bir süfrədə miras” devizi ilə keçiriləcək

Fins.az - Türk Mətbəxi Həftəsi 2026-cı ildə “Bir süfrədə miras” devizi ilə təşkil olunacaq.

Tədbir Türkiyə Mədəniyyət və Turizm Nazirliyinin təşəbbüsü ilə mayın 21-dən 27-dək həm ölkə daxilində, həm də müxtəlif xarici ölkələrdə keçiriləcək.

Layihə Əminə Ərdoğanın himayəsi altında həyata keçirilir və bu il əsas diqqət türk mətbəxinin tarixi, mədəni və sosial irs kimi dəyərlərinə yönəldilir.

Təşkilatçılar bildirir ki, tədbirin məqsədi ortaq qastronomiya ənənələrini və süfrə mədəniyyətinin insanları birləşdirən rolunu dünya miqyasında tanıtmaqdır.