Somali sahillərində neft tankeri qaçırılıb

Fins.az - Somali sahilləri yaxınlığında neft tankeri qaçırılıb.

Böyük Britaniyanın Dəniz Ticarət Əməliyyatları İdarəsinin (UKMTO) məlumatına görə, hadisə aprelin 21-də baş verib. Gəmi Somalinin şərqində yerləşən Mareeyo bölgəsindən təxminən 90 kilometr şimal-şərqdə quldurlar tərəfindən ələ keçirilib.

Məlumata əsasən, tanker daha sonra Somalinin ərazi sularına aparılıb. Hadisə ilə bağlı araşdırma aparılır.