Şimali Makedoniya prezidenti seçkilərdə məğlub olduğunu etiraf edib

Şimali Makedoniyanın hazırkı rəhbəri Stevo Pendarovski ölkədə davam edən seçkilərdə məğlub olduğunu etiraf edib.

Fins.az xəbər verir ki, son məlumatlara görə, bülletenlərin 74,89%-ni emal etdikdən sonra Pendarovski cəmi 29,31%, ən böyük müxalifət partiyasından olan Daxili Makedoniya İnqilab Təşkilatının namizədi isə 64,70% səs toplayıb.

Pendarovski bildirib ki, seçkinin nəticələri ona aydındır və o, məğlubiyyətini etiraf edir. Eyni zamanda o, “Avro-Atlantik strukturlara tam inteqrasiya olunmuş çoxmillətli Makedoniya konsepsiyası”nın seçicilərdən dəstək almamasından təəssüfləndiyini bildirib.