“Sabah” ardıcıl dördüncü dəfə Azərbaycan çempionu olub

Fins.az - Sabah Basketball Club Azərbaycan Basketbol Liqasının 2025/2026 mövsümünün qalibi olub.

Final seriyasının üçüncü oyununda paytaxt təmsilçisi Abşeron Lions komandası ilə qarşılaşıb və 108:95 hesablı qələbə qazanıb.

“Sabah” əvvəlki oyunlarda da rəqibini məğlub etmişdi (98:93 və 112:84) və seriyanı quru hesabla başa vurub.

Beləliklə, komandanın baş məşqçisi Rimas Kurtinaitis ardıcıl dördüncü dəfə ölkə çempionu titulunu qazanıb.