Rusiyada şərab istehsalı 14,8 faiz azalıb

Fins.az - Rusiyada şərab istehsalında azalma davam edir. Rəsmi statistikaya görə, 2026-cı ilin yanvar-may aylarında ölkədə 12,5 milyon dekalitr üzüm şərabı istehsal olunub ki, bu da ötən ilin eyni dövrü ilə müqayisədə 14,8 faiz azdır.

Hesabat dövründə köpüklü şərabların istehsalı 15,6 faiz azalaraq 5,1 milyon dekalitrə, likör şərablarının istehsalı isə 25,7 faiz azalaraq 408,9 min dekalitrə düşüb.

Araq istehsalı da azalıb, lakin daha aşağı templə. Beş ay ərzində 23,9 milyon dekalitr araq istehsal edilib ki, bu da əvvəlki illə müqayisədə 4,2 faiz azalma deməkdir.

Konyak istehsalı 1 faiz azalaraq 2,7 milyon dekalitr təşkil edib. Eyni zamanda, likör-araq məhsullarının istehsalı 10,1 faiz artaraq 7,3 milyon dekalitrə yüksəlib.