Rusiyada aprel ayında 1200-dən çox DDoS hücumu zərərsizləşdirilib

Fins.az - Roskomnadzorun nəzdində fəaliyyət göstərən İctimai Rabitə Şəbəkəsinin Monitorinq və İdarəetmə Mərkəzinin mütəxəssisləri 2026-cı ilin aprel ayında 1246 DDoS hücumunun qarşısını alıblar.

Məlumata görə, hücumlar əsasən dövlət idarəetmə sistemləri və rabitə operatorlarının resurslarına yönəlib. Ən uzun davam edən hücum beş gündən artıq çəkib.

Qurum bildirib ki, hücumların böyük hissəsi ABŞ, Braziliya, Niderland, Almaniya və Fransa ərazisində qeydiyyatdan keçmiş IP ünvanlardan həyata keçirilib.

Ekspertlər DDoS hücumlarının son illərdə həm dövlət, həm də özəl sektor üçün əsas kibertəhlükələrdən biri olaraq qaldığını bildirirlər.