Rusiya və Çin arasında ticarət dövriyyəsi 26% artıb

Rusiya və Çin arasında bu ilin yanvar-fevral aylarında ticarət dövriyyəsi illik müqayisədə 25,9% artaraq rekord həddə 33,68 milyard dollara çatıb.

Fins.az xəbər verir ki, bu barədə Çinin Baş Gömrük İdarəsi məlumat yayıb.

Məlumata görə, Çinin Rusiyaya ixracı 2 ayda 19,8% artaraq təxminən 15,03 milyard dollar təşkil edib. Çinin Rusiyadan mal idxalı isə 31,3% artaraq 18,65 milyard dollara çatıb.