Rubio 60-dan çox ölkənin nazirlərini terrorizmlə mübarizə toplantısına dəvət edib

Fins.az - ABŞ Dövlət katibi Marko Rubio 60-dan çox ölkənin nazirlərini gələn həftə keçiriləcək “Transmilli ifrat sol terrorizmin yenidən canlanması” mövzusunda beynəlxalq görüşə dəvət edib.

The Washington Post qəzetinin məlumatına görə, təşəbbüs ABŞ rəsmiləri, Avropadakı müttəfiqlər və müstəqil analitiklər arasında müzakirələrə səbəb olub. Onlar Vaşinqtonun sözügedən təhlükəni bu şəkildə xarakterizə etməsini şübhə altına alıblar.

Görüşdə transmilli terrorizmə qarşı mübarizə və beynəlxalq əməkdaşlıq məsələlərinin müzakirə olunacağı gözlənilir.