Qazaxıstan energetikaya yatırımları 835 milyon dollara çatdıracaq

Fins.sz - Qazaxıstan 2026-cı ildə energetika və kommunal təsərrüfat sahələrinin yenilənməsi üçün təxminən 835 milyon dollar investisiya ayırmağı planlaşdırır.

Bu barədə ölkənin baş naziri Olzhas Bektenov Nazirlər Kabinetinin iclasında məlumat verib.

Onun sözlərinə görə, proqram çərçivəsində elektrik stansiyalarının təmiri və modernləşdirilməsi üçün 384 milyard tenge vəsait nəzərdə tutulub ki, bu da ötən illə müqayisədə 9 faiz çoxdur.

Qeyd edilib ki, bu addım enerji infrastrukturunun yenilənməsi və ölkədə dayanıqlı enerji təminatının gücləndirilməsi məqsədi daşıyır.