Qautam Adani Asiyanın ən varlı şəxsi olub

Fins.az - Hindistanlı milyarder Qautam Adani 92,6 milyard dollar sərvətlə Asiyanın ən varlı şəxsi elan edilib.

“Bloomberg” agentliyinin reytinqinə əsasən, o, həm də dünyanın ən varlı insanları siyahısında 19-cu yerdə qərarlaşıb.

Uzun müddət Asiyada birinci yerdə olan digər hindistanlı milyarder Mukeş Ambani isə 90,8 milyard dollar sərvətlə ikinci pilləyə enib.

Məlumata görə, 2026-cı ildə fond bazarlarında baş verən dəyişikliklər “Adani Group”un aktivlərini 8,1 milyard dollar artırıb, “Reliance Industries” isə 16,9 milyard dollar itki ilə üzləşib.