Putin Misirdə taxıl və enerji habının yaradılmasını təklif edib

Fins.az - Rusiya Prezidenti Vladimir Putin Misirin xarici işlər naziri Badr Abdelatty ilə görüşdə bu ölkədə taxıl və enerji habının yaradılması məsələsini müzakirə etməyi təklif edib.

Putin bildirib ki, iki ölkə arasında əməkdaşlıq üçün geniş imkanlar mövcuddur və bir sıra layihələr artıq həyata keçirilir. Onun sözlərinə görə, Misirdə belə bir habın yaradılması perspektivli istiqamətlərdən biridir.

Kremldə keçirilən danışıqlarda Rusiya tərəfdən prezidentin köməkçisi Yuri Uşakov və xarici işlər naziri Sergey Lavrov da iştirak ediblər.