Parisdə yükdaşıyanların etiraz aksiyası: yanacaq qiymətlərinə qarşı ilbiz hərəkəti

Fins.az - Yanacaq qiymətlərinin kəskin artması fonunda Parisdə yük maşını sürücüləri və sərnişin daşıyıcıları etiraz aksiyalarına başlayıblar. Paytaxtın dairəvi yolunda (“périphérique”) ilbiz əməliyyatları təşkil olunub, nəticədə səhər saatlarında ciddi tıxaclar yaranıb.

Həmkarlar ittifaqının məlumatına görə, saat 10:00-dan etiraz aksiyasında təxminən 110 avtobus və 70 yük maşını iştirak edir. Etirazçılar yanacaq qiymətlərinin artımına və hökumətin bu artımı kompensasiya etmək üçün gördüyü tədbirlərə etiraz edirlər. Onlar “Porte de Vincennes” yaxınlığında toplaşaraq daha sonra dairəvi yola hərəkət ediblər.

“Organisation des transporteurs routiers européens” yaydığı bəyanatda hökumətin yanacaq qiymətlərinin artımından ən çox zərər çəkən sahələr üçün açıqladığı yardımların yetərli olmadığını bildirib və ümid edir ki, ilkin ayrılan vəsaitlər yalnız başlanğıc mərhələ olacaq.