Özbəkistanda AES tikintisinin başlanması mərasimi keçirilib

Fins.az - Özbəkistanda Cizzax vilayətində atom elektrik stansiyasının tikintisinə başlanılması münasibətilə rəsmi mərasim keçirilib.

Mərasimdə Özbəkistan Prezidenti Shavkat Mirziyoyev və Rusiya Prezidenti Vladimir Putin videobağlantı vasitəsilə iştirak ediblər.

Mirziyoyev bildirib ki, atom elektrik stansiyasının tikintisinin başlanması ölkə tarixində mühüm hadisədir. Onun sözlərinə görə, layihənin həyata keçirilməsi istiqamətində uzun müddət iş aparılıb və nəticədə ölkənin inkişafı üçün vacib hesab olunan qərar qəbul edilib.

Özbəkistan Prezidenti qeyd edib ki, iqtisadiyyatın sürətli inkişafı enerji tələbatını artırır və yeni enerji mənbələrinin yaradılması zərurətə çevrilib.