OPEC qeyri-OPEC+ ölkələri üzrə hasilat artımı proqnozunu dəyişməyib

Fins.az - OPEC qeyri-OPEC+ ölkələrində maye karbohidrogenlərin (MKH) hasilatı ilə bağlı 2026 və 2027-ci illər üçün proqnozunu əsasən dəyişməyib.

Təşkilatın qiymətləndirməsinə görə, 2026-cı ildə qeyri-OPEC+ ölkələrində maye karbohidrogen hasilatı 2025-ci illə müqayisədə gündəlik 640 min barel artaraq 54,84 milyon barelə çatacaq. Bu göstərici əvvəlki hesabatla müqayisədə cəmi 10 min barel artırılıb.

OPEC analitiklərinin fikrincə, hasilat artımının əsas hissəsini Braziliya, ABŞ, Kanada və Argentina təmin edəcək. Bu ölkələrin qlobal enerji bazarında təklifin artmasına mühüm töhfə verəcəyi gözlənilir.