Norveç Qrenlandiyada Baş Konsulluq açacaq

Fins.az - Norveç Qrenlandiyanın paytaxtı Nuukda Baş Konsulluq açmağı planlaşdırır.

Bu barədə Norveçin Baş naziri Yonas Qar Styore mətbuat konfransında məlumat verib.

Onun sözlərinə görə, Uzaq Şimal regionu Norveç üçün mühüm strateji prioritet olaraq qalır və Arktika beynəlxalq siyasət və təhlükəsizlik baxımından getdikcə daha böyük əhəmiyyət qazanır.

Yeni diplomatik nümayəndəliyin açılması Norveçin Arktika regionunda iştirakını və əməkdaşlığını gücləndirməyə xidmət edəcək.