Norveç 16 yaşdan aşağı şəxslər üçün sosial şəbəkələri qadağan etməyə hazırlaşır

Fins.az - Norveç hökuməti 16 yaşdan aşağı şəxslər üçün sosial şəbəkələrin istifadəsini qadağan edən qanun layihəsini bu il parlamentə təqdim edəcəyini açıqlayıb.

Baş nazir Yonas Qar Störe bildirib ki, bu addım uşaqların daha sağlam və təhlükəsiz mühitdə böyüməsini təmin etmək məqsədi daşıyır. Onun sözlərinə görə, uşaqların gündəlik həyatı və münasibətləri alqoritmlər və ekranlar tərəfindən idarə olunmamalıdır.

Qanuna əsasən, istifadəçilərin yaşının yoxlanılması məsuliyyəti texnologiya şirkətlərinin üzərinə düşəcək.

Norveç bu istiqamətdə təşəbbüs irəli sürən ilk Avropa ölkələrindən biridir. Oxşar addımların Fransa, İspaniya və Danimarkada da müzakirə olunduğu bildirilir. Avropa Komissiyası isə sosial şəbəkələrdə yaş yoxlaması üçün xüsusi tətbiq üzərində işləyir.