Misirdə Ptolemey, Roma və Bizans dövrlərinə aid nadir artefaktlar aşkar edilib

Fins.az - Misirdə aparılan arxeoloji qazıntılar zamanı Ptolemey, Roma və Bizans dövrlərinə aid nadir tarixi artefaktlar üzə çıxarılıb.

Tapıntılar İsgəndəriyyə şəhərinin Məhərrəm Bəy bölgəsində Supreme Council of Antiquities tərəfindən həyata keçirilən təcili missiya çərçivəsində aşkar edilib.

Əsas kəşflər arasında Ptolemey dövrünün sonlarına aid dairəvi ictimai hamamın qalıqları, Roma dövrünə məxsus mozaik döşəməli yaşayış villası və “toloi” adlanan memarlıq elementləri yer alır.

Mütəxəssislərin fikrincə, bu tapıntılar qədim İsgəndəriyyə şəhərində şəhər həyatının yüksək inkişaf səviyyəsini, planlaşdırma mədəniyyətini və memarlıq incəliyini bir daha təsdiqləyir.