Mirra Andreyeva Madriddə WTA 1000 turnirinin yarımfinalına yüksəlib

Fins.az - Rusiyalı tennisçi Mirra Andreyeva Madriddə keçirilən WTA 1000 turnirində yarımfinala vəsiqə qazanıb.

O, 1/4 final mərhələsində kanadalı Leyla Fernandes üzərində qələbə qazanıb. Qarşılaşma 7:6 (7:1), 6:3 hesabı ilə başa çatıb.

Dünya reytinqində 8-ci pillədə qərarlaşan Andreyeva hazırda rusiyalı tennisçilər arasında ən yüksək mövqeyə malikdir. Fernandez isə 25-ci sırada yer alır.

Yarımfinalda Andreyeva Aryna Sabalenka – Hailey Baptiste cütünün qalibi ilə qarşılaşacaq.

Qeyd edək ki, turnir torpaq örtüklü kortlarda keçirilir. Yarışın son qalibi və üçqat çempionu dünya reytinqinin lideri Aryna Sabalenkadır.