Media: Kanada və Fransa Türkiyə ilə müdafiə əməkdaşlığını genişləndirə bilər

Fins.az - Kanada və Fransanın müdafiə sahəsində Türkiyə ilə münasibətlərini yenidən dəyərləndirdiyi bildirilir.

“Türkiye” qəzetinə istinadla yayılan məlumata görə, Kanada 2019-cu ildə tətbiq etdiyi dron komponentlərinin ixracına dair məhdudiyyətlərə baxmayaraq, Ankara ilə müdafiə dialoquna maraq göstərir və Türkiyənin pilotsuz uçuş aparatlarının alınmasını müzakirə edə bilər.

Məlumatda qeyd olunur ki, Kanadanın Baş naziri Mark Carneynin Türkiyəyə planlaşdırılan səfəri iki ölkə arasında hərbi-sənaye əməkdaşlığını gücləndirə bilər.

Eyni zamanda, Fransanın da əvvəlki illərdə Türkiyə müdafiə sənayesinə münasibətdə sərt mövqelərinə yenidən baxa biləcəyi bildirilir.