Media: İranla bağlı münaqişə real əməkhaqqının azalmasına səbəb olur

Fins.az - İranla bağlı münaqişənin yaratdığı enerji böhranı və Hörmüz boğazında yaranan problemlər bir sıra inkişaf etmiş ölkələrdə real əməkhaqqının azalmasına səbəb olub.

Məlumata görə, ABŞ-də aprel ayında inflyasiya 3,8 faizə yüksəlib. Böyük Britaniyada isə ilin ilk rübündə real əməkhaqqında demək olar ki, artım qeydə alınmayıb.

Ekspertlər bildirirlər ki, İran ətrafında yaranmış gərginlik təchizat zəncirlərini pozub və bu vəziyyət qiymət artımını sürətləndirib.

Onların fikrincə, Hörmüz boğazında vəziyyət normallaşsa belə, qiymət artımı müəyyən müddət davam edəcək.