May ayında qlobal ərzaq qiymətləri azalıb

Fins.az - Birləşmiş Millətlər Təşkilatının Ərzaq və Kənd Təsərrüfatı Təşkilatı (FAO) may ayında qlobal ərzaq qiymətlərinin cüzi azaldığını açıqlayıb.

Məlumata görə, bitki yağlarının qiymətlərində müşahidə olunan enmə dənli bitkilər və şəkərin bahalaşmasını kompensasiya edib.

Qlobal ticarətdə ərzaq məhsullarının beynəlxalq qiymətlərindəki dəyişiklikləri izləyən FAO-nun Ərzaq Qiymətləri İndeksi may ayında orta hesabla 130,8 bənd təşkil edib. Bu göstərici aprel ayı ilə müqayisədə 0,2 faiz aşağı olsa da, ötən ilin eyni dövrü ilə müqayisədə 2,9 faiz yüksəkdir.