Krasnoyarsk diyarında meşə yanğınları 133 min hektardan çox ərazini əhatə edib

Fins.az - Krasnoyarsk diyarının şimal bölgələrində meşə yanğınlarının əhatə etdiyi ümumi sahə 133,6 min hektarı keçib.

Məlumata görə, iyunun 20-nə olan vəziyyətə əsasən bölgədə ümumilikdə 93 meşə yanğını qeydə alınıb.

Yanğın ocaqları əsasən Yenisey rayonu, Şimali Yenisey rayonu, Turuxansk rayonu və Evenki dairəsi ərazilərində fəaliyyət göstərir.

Yanğınların söndürülməsi və yayılmasının qarşısının alınması istiqamətində tədbirlər davam etdirilir.