Konqoda Ebola ilə mübarizə aparan tibb işçiləri etiraz aksiyası keçiriblər

Fins.az - Konqo Demokratik Respublikasında Ebola virusunun yayılmasına qarşı mübarizə aparan tibb işçiləri maaşlarının ödənilməməsinə etiraz olaraq aksiya keçiriblər.

Etirazlar ölkənin Ebola epidemiyasından ən çox zərər çəkən İturi əyalətinin inzibati mərkəzi olan Bunia şəhərində yerləşən üç tibb müəssisəsinin qarşısında baş tutub.

Aksiya iştirakçıları bildiriblər ki, epidemiya ilə mübarizədə iştirak etmələrinə baxmayaraq, əməkhaqlarını tam həcmdə ala bilməyiblər.