Kazan Qlobal Gənclər Sammitinə ev sahibliyi edəcək

Fins.az - Rusiya Federasiyasının Tatarıstan Respublikasının paytaxtı Kazanda 5-ci Kazan Qlobal Gənclər Sammiti keçiriləcək.

Tədbir 26-30 avqust tarixlərini əhatə edəcək və təxminən 40 ölkədən 300-dən çox nümayəndəni bir araya gətirəcək.

Təşkilatçılar bildirib ki, sammitdə iştirak üçün müraciətlər iyunun 10-dək qəbul olunur.

2026-cı il sammitinin əsas mövzusu “Qlobal dəyişiklik dövründə təhsil: Davamlı inkişaf üçün insan resursları” olacaq.

Proqram çərçivəsində təhsil texnologiyaları, süni intellekt, gələcəyin peşələri, istedadların inkişafı, mədəni kimlik və beynəlxalq tərəfdaşlıq mövzularında müxtəlif tematik sessiyalar keçiriləcək.