İsveçdə iyulun 1-dən bir sıra yeni qanunlar qüvvəyə minib

Fins.az - İsveçdə iyulun 1-dən vergi siyasəti, sosial təminat, ictimai təhlükəsizlik və ailə hüququ sahələrini əhatə edən bir sıra qanunvericilik dəyişiklikləri qüvvəyə minib.

Ən mühüm yeniliklərdən biri rəqs tədbirlərinə tətbiq olunan əlavə dəyər vergisinin (ƏDV) 25 faizdən 6 faizə endirilməsidir.

Yeni qaydalara əsasən, ərzaq mağazaları və apteklər nağd ödənişləri qəbul etməyə borcludur. Banklar isə müştərilərinə nağd pul yatırılması və valyuta mübadiləsi xidmətlərini təmin etməlidirlər.