İlk dəfə ən çox qazanan şirkət rəhbəri bir qadın olub

Associated Press üçün Equilar tərəfindən hazırlanan "Ən çox qazanan CEO-lar" siyahısına görə, 2019-cu ildə birinci yeri texnologiya şirkəti Advanced Micro Devices-in (AMD) İcraçı direktoru Lisa Su tutub. Onun şirkətdən illik qazancı 58,5 milyon dollar təşkil edib. 
Fins.az xəbər verir ki, Su-nun AMD-dən aldığı maaş bir milyon dollardır, buna 1,2 milyon dollarlıq performans bonusu da əlavə olunub. Həmçinin Su keçən il 3 milyon dollarlıq səhm opsiyonu və səhmlərinə görə 53 milyon dollar dividend alıb.

Su-nun AMD-dən aldığı ödəniş 2018-ci illə müqayisədə 2019-cu ildə 4 dəfə artıb.

Qadın menecer 2014-də şirkətin rəhbəri təyin ediləndə bir AMD səhimi 3 dollar idi, bu gün isə təxminən 55 dollardan satılır.

500 Amerikan şirkətini əhatə edən S&P 500-də ən çox ödəniş alan 50 yaşındakı Su-dur, onun ardınca 45,8 milyon dollarla Discovery Inc. şirkətinin rəhbəri David M. Zaslav gəlir. İllik 45,5 milyon dollar gəlirlə də Walt Disney-in direktoru Robert A. Iger üçüncü yerdədir.

Cəmi 329 adın yer aldığı siyahıda yalnız 20 qadın rəhbərin adı var. Lisa Su-dan sonra gələn ilk qadın, Lockheed Martin-in direktoru Marillyn A. Hewson ildə 24,4 milyon dollar ödəniş alır.