Hamburqda avtobus qəzası: 17 nəfər xəsarət alıb

Fins.az - Almaniyanın Hamburq şəhərində marşrut avtobusu qəza törədib.

Məlumata görə, avtobus əvvəlcə yol kənarında park edilmiş iki avtomobillə toqquşub, daha sonra isə ağaca çırpılıb.

Hadisə nəticəsində 17 nəfər xəsarət alıb. Onlardan ikisinin vəziyyətinin ağır olduğu bildirilir. İlkin məlumata əsasən, qəzanın sürücünün səhhətində qəfil yaranmış problem səbəbindən baş verdiyi ehtimal olunur.