Gürcüstan ÜDM-i bu il 4%-dək arta bilər

Turizm bərpa edilmədiyi təqdirdə 2021-ci ildə Gürcüstanın iqtisadi artımı 1% təşkil edəcək.

Gürcüstan Milli Bankının prezidenti Koba Qvenetadze belə deyib.

Onun sözlərinə görə epidemioloji vəziyyət yaxşılaşacağı təqdirdə cari ilin ikinci yarısında turizm sektorunun bərpası ilə iqtisadi böyümə 4%-dək yüksələ bilər.

K. Qvenetadze bildirib ki, ilkin hesablamalara əsasən, pandemiya səbəbindən Gürcüstan iqtisadiyyatı 2020-ci ildə 6,1% azalacağı gözlənilir.