Gürcüstan və BƏƏ birgə investisiya mexanizmi yaradır

Fins.az - Gürcüstan və Birləşmiş Ərəb Əmirlikləri investisiya layihələrinin həyata keçirilməsi üçün yeni birgə mexanizm yaradılması barədə razılığa gəlib.

Məlumat Gürcüstan İqtisadiyyat Nazirliyi tərəfindən təsdiqlənib. Qərar Tbilisidə keçirilən görüşlərdən sonra qəbul olunub. Görüşlərdə BƏƏ-nin xarici işlər üzrə dövlət naziri iştirak edib.

Yeni mexanizm iki ölkənin həm dövlət, həm də özəl sektor nümayəndələrinin iştirakı ilə konkret investisiya layihələrinin qiymətləndirilməsini və həyata keçirilməsini nəzərdə tutur.

Tərəflər bu addımın iqtisadi əməkdaşlığı gücləndirəcəyini və yeni investisiya imkanları yaradacağını bildiriblər.