“Google” əməkdaşları Pentaqon üçün AI istifadəsinə etiraz ediblər

Fins.az - “Google” şirkətinin yüzlərlə əməkdaşı şirkətin süni intellekt (AI) alətlərinin ABŞ Müdafiə Nazirliyi (Pentaqon) tərəfindən məxfi məqsədlərlə istifadəsinə etiraz edib.

Məlumata görə, əməkdaşlar icraçı direktor Sundar Piçayı bu cür əməkdaşlığa icazə verməməyə çağıran açıq məktub imzalayıblar. Onlar şirkətin hərbi qurumlarla aparılan danışıqlarından narahat olduqlarını bildiriblər.

Məktubda qeyd olunur ki, süni intellekt sistemləri “məxfi iş yükü” üçün uyğun deyil və bu cür istifadə etik risklər yarada bilər.

Əməkdaşlar vurğulayıblar ki, onların məqsədi süni intellekt texnologiyalarının insanlığa faydalı istiqamətdə inkişaf etdirilməsi, təhlükəli və zərərli məqsədlər üçün istifadə olunmamasıdır.