Fransada elektrik enerjisinin qiyməti son iki ilin ən yüksək səviyyəsinə yüksəlib

Fins.az - Fransada davam edən güclü istilər elektrik enerjisinə tələbatı artıraraq topdansatış bazarında qiymətlərin son iki ilin ən yüksək səviyyəsinə yüksəlməsinə səbəb olub.

Mütəxəssislərin qiymətləndirməsinə görə, elektrik enerjisinin qiymətləri 2023-cü ilin avqustundan bəri ən yüksək həddə çata bilər.

İsti hava şəraiti həm ev təsərrüfatlarında, həm də müəssisələrdə kondisioner və digər soyutma sistemlərindən istifadənin əhəmiyyətli dərəcədə artmasına səbəb olub. Bu isə elektrik enerjisinə tələbatı kəskin yüksəldib.

Analitiklər bildirirlər ki, isti hava dalğasının davam edəcəyi təqdirdə enerji bazarında qiymətlərə təzyiq də qalacaq.