Finlandiya xərçəng hallarının kəskin artımına hazırlaşır

Fins.az - Finlandiya növbəti onilliklərdə onkoloji xəstəliklərin əhəmiyyətli dərəcədə artacağı proqnozu fonunda səhiyyə sistemini gücləndirməyə hazırlaşır.

Proqnozlara görə, 2045-ci ilədək ölkədə xərçəngə tutulma halları 45 faiz artacaq, 85 yaşdan yuxarı onkoloji xəstələrin sayı isə təxminən iki dəfə çoxalacaq. Mütəxəssislər əhalinin yaşlanması və ömür uzunluğunun artmasının səhiyyə sisteminə əlavə yük yaradacağını bildirirlər.

Bu çağırışlara cavab olaraq Finlandiya 2026–2035-ci illəri əhatə edən Milli Onkologiya Strategiyasını həyata keçirəcək. Strategiya müalicə üçün gözləmə müddətinin azaldılması, ölkə üzrə tibbi xidmətlərə çıxışın genişləndirilməsi və diaqnostika sisteminin təkmilləşdirilməsini nəzərdə tutur.