Finlandiya əmək istismarına qarşı yaşayış icazəsi qaydalarını sərtləşdirir

Fins.az - Finlandiya hökuməti xarici işçilərin əmək istismarına qarşı mübarizəni gücləndirmək məqsədilə yeni qanun layihəsi hazırlayıb.

Sənəd artıq ictimai müzakirəyə təqdim olunub və onun bu ilin payızında parlamentdə müzakirə ediləcəyi gözlənilir. Qanun qəbul olunarsa, yeni qaydalar gələn ilin mart ayında qüvvəyə minəcək.

Qanun layihəsinə əsasən, Finlandiya Miqrasiya Xidməti əmək istismarında şübhəli bilinən işəgötürənlərə yaşayış icazələrinin verilməsindən imtina etmək səlahiyyəti əldə edəcək.

Bundan əlavə, əmək qanunvericiliyini pozan şirkətlər üçün xarici işçilərə yaşayış icazəsi verilməsi müvəqqəti olaraq dayandırıla biləcək. Məqsəd əmək bazarında sui-istifadə hallarının qarşısını almaq və xarici işçilərin hüquqlarını daha effektiv qorumaqdır.