Dağıstanda 760-dan çox ev hələ də su altında qalıb

Fins.az - Dağıstanın doqquz yaşayış məntəqəsində 760-dan çox ev hələ də su altında qalır.

Məlumata görə, ümumilikdə 762 yaşayış evi, 812 həyətyanı sahə və 76 avtomobil yolu sahəsi daşqından zərər görüb.

Hazırda 16 müvəqqəti yerləşdirmə məntəqəsində 524 nəfər saxlanılır ki, onların 175-i uşaqlardır.

Xilasetmə və bərpa işlərinə dəstək məqsədilə Dərbənd rayonuna 100 mütəxəssis və 30 texnika cəlb olunub. Fövqəladə xidmətlər ərazidə fəaliyyətini davam etdirir.