Çinin “Swift” şirkəti və Rusiya Dəmir Yolları Altay diyarında konteyner terminalı tikəcək

Fins.az - Çinin “Swift” şirkəti və Rusiya Dəmir Yolları Altay diyarında yeni konteyner terminalının tikintisini planlaşdırır.

Məlumata görə, layihəyə təxminən 5 milyard rubl həcmində sərmayə yatırılacaq.

Terminal Altay diyarının Pervomaysk rayonunda inşa ediləcək və ildə 3,5 milyon ton yük dövriyyəsinə malik olacaq.

Layihə çərçivəsində təxminən 1000 yeni iş yerinin yaradılması nəzərdə tutulur.

Bildirilib ki, yeni logistika mərkəzi yükdaşımaların həcminin artırılmasına və bölgənin nəqliyyat infrastrukturunun inkişafına töhfə verəcək.