Çin Türkmənistandan qaz tədarükünü artıracaq

Fins.az - Qlobal enerji bazarında gərginliklərin artması fonunda Çin təbii qaz tədarükünü artırmaq üçün Türkmənistana müraciət edib.

Məlumata görə, Yaxın Şərqdə münaqişənin dərinləşməsi və Hörmüz boğazı ətrafında yaranan risklər enerji axınlarında qeyri-müəyyənlik yaradıb və bu, Pekini alternativ mənbələrə yönəldib.

Çin Dövlət Şurasının açıqlamasına əsasən, Baş nazirin müavini Din Süesyan enerji və infrastruktur sahələrində əməkdaşlığı genişləndirmək məqsədilə Türkmənistana səfər edib və Prezident Sərdar Berdiməhəmmədovla görüş keçirib.

Görüşdə iki ölkə arasında qaz sektorunda əməkdaşlığın inkişafı müzakirə olunub. Türkmənistan tərəfi “Qalkınış” qaz yatağının dördüncü mərhələsinin Çinlə tərəfdaşlıq çərçivəsində işlənəcəyini bildirib.