Çin Meta-nın süni intellekt startapını almaq planını bloklayıb

Fins.az - Çin hakimiyyəti Meta Platforms şirkətinin Çin mənşəli süni intellekt startapı Manus-u satın almaq planını bloklayıb.

Məlumata görə, Meta ötən ilin dekabr ayında bu startapı 2 milyard dollar qarşılığında əldə edəcəyini açıqlamışdı. Lakin Çin tərəfi sövdələşməni araşdırmaya götürərək onun texnologiyaların ixracına nəzarət qaydalarını və milli təhlükəsizlik tələblərini poza biləcəyini bildirib.

Nəticədə razılaşmanın həyata keçirilməsinə icazə verilməyib. Bu addım texnologiya sektorunda beynəlxalq investisiya və əməkdaşlıq məsələlərində artan nəzarətin göstəricisi kimi qiymətləndirilir.