Çexiya Rusiya və Belarus vətəndaşlarına viza verilməsini dayandırıb

2023-cü ilin mart ayına qədər Rusiya və Belarus vətəndaşlarına Çexiyaya daxil olmaq üçün vizalar, habelə uzun müddət qalmaq üçün icazələr verilməyəcək.

Fins.az-ın məlumatına görə, bu barədə “RİA Novosti“ Xarici İşlər Nazirliyinin mətbuat xidmətinə istinadən yazır.

Bu barədə qərar Xarici İşlər Nazirliyinin təklifi ilə ölkə hökuməti tərəfindən 2022-ci il fevralın 24-də qəbul edilib. İstisna humanitar hallar ola bilər.

Beləliklə, Çexiya Ukraynada xüsusi əməliyyatı dayandırmaq üçün Rusiya Federasiyası və Belarusun hakimiyyət orqanlarına təzyiq göstərməyə çalışır.