Brüsseldə binada baş verən yanğında 5 nəfər ölüb

Fins.az - Belçikanın paytaxtı Brüsselin mərkəzində yenidənqurma işləri aparılan binada baş verən yanğın nəticəsində 5 nəfər həlak olub.

Məlumata görə, hadisədən sonra bir nəfər itkin düşmüş hesab olunur. Yanğın söndürüldükdən sonra həlak olanların meyitləri binadakı liftlərdən birində aşkarlanıb.

Xilasedicilər bildiriblər ki, digər liftə uzun müddət giriş mümkün olmadığından əlavə qurbanların olması ehtimalı istisna edilmir. Hadisənin səbəbləri araşdırılır.