Britaniyada süni intellektlə hazırlanmış ilk vaksin insanlar üzərində sınaqdan keçirilir

Fins.az - Böyük Britaniyada süni intellektin köməyi ilə hazırlanmış yeni nəsil vaksin ilk dəfə insanlar üzərində sınaqdan keçirilir.

Kembric Universitetinin tədqiqatçıları bildiriblər ki, vaksinin əsas komponenti tamamilə süni intellekt texnologiyası vasitəsilə layihələndirilib. Bu yanaşma preparatın hazırlanması prosesini sürətləndirməyə və daha geniş təsir imkanları yaratmağa kömək edib.

Yeni vaksin bütün koronavirus növlərinə qarşı müdafiə yaratmaq məqsədi daşıyır. Preparatın həm COVID-19-un müxtəlif variantlarına, həm də hazırda heyvanlar arasında yayılan və gələcəkdə insanlara keçərək yeni pandemiyalara səbəb ola biləcək koronaviruslara qarşı təsirli olması nəzərdə tutulur.